Thursday, October 22, 2009

பாம்பு மசாஜ் பண்ணலாமா?!!!!

high2

மெல்போர்ன்: பாம்பென்றால் படையும் நடுங்கும் என்பதெல்லாம் பழசு. நெளியும் பாம்புகளை உடலின் மீது விட்டு மசாஜ் செய்து கொள்வது புதுசு. ஆஸ்திரேலியாவில் இந்த புதுமையான பிசினஸ் இப்போது சக்கை போடு போடுகிறது. மெல்போர்ன் நகரைச் சேர்ந்த பிசியோதெரபி நிபுணர் அடா பராக். இவரது பண்ணை வீட்டின் செடிகளில் விஷம் இல்லாத பாம்புகளை தவழ விட்டு வளர்த்து வருகிறார். அவர் வீட்டுக்கு சிகிச்சை பெற வருவோரில் பலர், செடியில் ஊர்ந்து கொண்டிருக்கும் பாம்புகளை (விஷம் இல்லை என்று தெரிந்ததால்) தொட்டுப் பார்த்து சிலிர்ப்பதுண்டு. இதை பல நாட்கள் கவனித்தார் அடா. அடடா, இதையே ஒரு பிசினஸ் ஆக்கிவிடலாமே. எவ்வளவு நாள்தான் கை வலிக்க நாமே மசாஜ் செய்வது, என்று துள்ளி குதித்தார். உடனே பிசினசை தொடங்கினார். ”இவ்விடம் பாம்பு மசாஜ் செய்யப்படும். அத்தனை வலிகளும் பறந்து விடும்” என்று அறிவித்தார். அடா செய்த மசாஜுக்கு வந்தவர்களைவிட இப்போது அதிக கூட்டம் வருகிறதாம். இதுபற்றி அடா பராக் கூறுகையில், ”பாம்பு மசாஜை மக்கள் விரும்புகின்றனர். உடல் மீது விஷமற்ற பாம்புகளை ஊர்ந்து செல்ல விடுவதால் மனம் லேசாவதாகவும், உடலுக்கு புத்துணர்ச்சி ஏற்படுவதாகவும் இங்கு வருபவர்கள் கூறுகின்றனர்” என்றார். இந்த நூதன மசாஜுக்காக 6 பல ரக பாம்புகளை வைத்துள்ள அடா, ஒரு முறை சிகிச்சைக்கு ரூ.3,750 கட்டணம் வசூலிக்கிறார். செலவைக் கேட்டதும் விஷமுள்ள பாம்பைக்கூட கையில் பிடிக்கலாம் என்று தோன்றுகிறதா?

ரூம் போட்டு யோசிப்பாங்களோ!!! 

 

xin_33210052414226563111148 Snake_Massage_1bizarre-spa-01-g snake_1

1 comment:

LinkWithin

Related Posts with Thumbnails